Jop ka Moosiang Lamare bad ka Wahsanphaw haka Third Div ka EJHDFA

Syllad | The Rising MeghalayaAugust 14, 2023

Ka Moosianglamare New bad ka Wahsanphaw SSC kila jop haka jingialehkai Third Division kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum, Khliehriat.

Haba phai sha ki jngialehkai ka Moosiang Lamare New kala jop da 2-1 iaka Moopala. Ka Moosiang Lamare hadien ka jingshah tam da shikol kala ioh thep kylla 2 kol lyngba u Fisterjoy Pariat 21’ bad u Nangjop NOngtdu 38. Shikol ka Moopala la thep da u Phrangki Shadap 6’

Haka jingïalehkai kaba bud, ka jingiakhun ka la kut da kaba iakhaid mar 1-1 hapdeng ka Cham Cham SC pyrshah iaka Tuber Shohshrieh. Ka Cham Cham SC kala ioh shuwa ban pynkhih iaka jar lyngba u Raymon Phawa 16’, katba ka kol ka Tubershohshrieh la thep da u Salai Rymbai 39’. Kine ki ar kol kila neh haduh bala wai ka jingialehkai.

Ki kol kiba la thep da u Delight Lyngdoh marwei ar kol haka 38’ bad 46’ ryngkat mar shikol da u  Karlin Lyngdoh 31’ bad u Mebantei Suchiang 78’ kala biang pura iaka Wahsanphaw SSC ban jop da 4-0 iaka Umlong United.