Jop ka Moosalyngkat iaka Mooknor Thadmuthong haka 1st Div WJDSA

Syllad | The Rising MeghalayaOctober 18, 2024

Ka Moosalyngkat SC kala jop da 5-1 pyrshah iaka Thadmuthlong haka jingialehkai 1st Division Football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 18 tarik u Risaw.

Ka Moosalyngkat ha kane ka jingiakhun kala tam shakhmat naduh ba sdang ka jingiakhun ha kaba tang hapoh 8 minit bala iaid ka jingialehkai kai kala ioh ban thep iaka kol kaba nyngkong lyngba u Iakhroo Laloo. Kaba kol kaba ar bad balai la thep da u Obram Sumer (17) bad Edius L Laloo (29).

Haka kylla miet ka Moosalyngkat kala bteng ban ialehkai bha bad kala thep sa ar kol lyngba Iakhroo (64) bad u Victory Phawa (88).

Shikol na kaliang ka Mooknor Thadmuthlong la thep da u Phermiki Suchiang (81).