Jop ka Moosalyngkat haka First Div, 13 tarik ka final (L) Kesilroy Pala Invitational Football ka WJDSA

Syllad | The Rising MeghalayaOctober 9, 2023

Ka Moosalyngkat kala jop da 4-1 pyrshah iaka Lutituber, Ialong haka First Division Football Tournament- Chatister Kharkongor Memorial Trophy kaba pyniaid da ka West Jaintia District Sports Association (WJDSA) kaba long haka sngi Nyngkong.

Ka Moosalyngkat kala thep shikol haka kylla step lyngba u Datngen I Dan 25′ bad lai kol kila wan shuwa ban kut ka por ialehkai lyngba u Edius L Laloo 80′, 89′ bvad u Lalthakhuna Ngaite 90’+3.

Shikol ka Lutituber la thep da u Kordor Dkhar haka minit kaba 55′

Ha kawei pat ka khubor la pyntip ba ka jingialehkai final jong ka (L) Kesilroy Pala Invitation Football Tournament kanlong haka 13 tarik u bnai Risaw hapdeng ka Salaroh pyrshah iaka Mukhla. Kane ka final ka dei kaba la pynkynriah sngi naka 7 tarik Risaw hadien pynthud ka mariang iaka jingialehkai bad hap ban pynsangeh shisyndon.

La pyntip ruh ba ki paidbah kiba la thied ia ka ticket ha ka 7 tarik ki lah ban pyndonkam da ki juh ki ticket ha kane ka final, ki bym don iaka ticket kin hap ban thied biang ban ioh peit iaka jingialehkai.