Jop ka Moosalyngkat, Catholic Youth, Mookymphad & Riatsaliya haka football 2nd bad 3rd Division ka WJDSA

Syllad | The Rising MeghalayaAugust 28, 2025

Ka Moosalyngkat, Catholic Youth Mihmyntdu, Mookymphad bad ka Riatsaliya Mihmyntdu kila khur jingjop haka 3rd Division bad 2nd Division Football Tournament kaba pyniaid da ka West Jaintia District Sports Association (WJDSA) kaba la long ha madan Kiang Nangbah Stadium, Jowai haka 27 tarik Nailar.

Haba phai sha ka jingialehkai 2nd Division Football Tournament, ka Moosalyngkat kala pynliem da 1-0 iaka Mupliang. Ia kane ka kol la thep da u Clifford Myrchiang (27).

Shuwa kane haka jingialehkai haka kyrdan 3rd Division, ka Catholic Youth Mihmyntdu kala pynliem da 1-0 iaka Loompyrdi Iongpiah. Ia kane ka shikol la thep da u Heimonmi Dkhar (20).

Haka jingialehkai kaba bud, ka Mookymphad kala jop da 3-0 iaka Umshangiar. Ia kine ki kol jong ka Mookymphad la thep da u Honesty Phawa (32), Jerry Dkhar (46) bad Wailad Shylla (65).

Ha kawei pat ka jingialehkai, ka Riatsaliya Mihmyntdu kala jop da 4-0 iaka Mulang Nangbah. U Meban Kharssotti marwei ula thep ar kol (9, 34) bynraplang mar shikol da u Bony Lyngdoh (36) bad Neviki Phawa (56).