Jop ka Mookyrdup Lumbhahdakha Mupliang haka Third Div ka WJDSA

Syllad | The Rising MeghalayaApril 22, 2022

Ka Mookyrdup, Lumbhahdakha Wahiajer bad ka Mupliang kila khur jingjop haka Third Division Football- ka 2nd Adelbert Laloo Memorial Trophy jong ka West Jaintia District Sports Association ha madan Kiang Nangbah Stadium haka sngi Thohdieng.

Haba phai sha ka jingïakhun ka Mupliang ka la pynliem 2-1 iaka Newhill. Ka Newhill kala ioh pynkhih nyngkong iaka jar Revel Dkhar (26). Katba na kaliang Mupliang kala ïoh ban thep kol lyngba u Oniwonker Sna (31,75).

Ha kawei ka jingiakhun ka Mookyrdup jop bun kol 6-0 kol pyrshah iaka Chyrmang Wah.

U Batterly Sariang ula thep marwei ar kol (74, 80+2) bad mar shikol la thep u Nickyboy Swer (16), u Nidaiar Kamar (26), u Famous Plain (37) bad u George A Manner (51).

Haka jingïakhun kaba khatduh ka Lumbhahdakha Wahiajer kala jop 3-0 kol iaka Mynso Blazon da 3-0. Ïa kine ki lai kol la thep da u Trepyniolad Lamare (41), u Bernard Suchiang (45) bad u Dayowanki Pale (47).