Jop ka Mookyrdup, Loomiongkjam, Pasyih bad ka Giovento Mynso haka football ka WJDSA

Syllad | The Rising MeghalayaSeptember 6, 2025

Ka Giovento Mynso, Mookyrdup, Loomiongkjam bad ka Pasyih CSC kila khur namjop haka jingialehkai 3rd bad 2nd Division Football Tournament kaba pyniaid da ka West Jaintia District Sports Association (WJDSA) kaba la long ha madan Kiang Nangbah Stadium Jowai haka 5 tarik Nailur.

Ka resol na ka jingiakhun 3rd Division, ka long ba ka Mookyrdup kala pynliem da 1-0 iaka Pynthorlangtein. Ia kane ka kol jop la thep da u Niwan O Lamare (65′).

Ka Loomiongkjam kala jop da 2-1 iaka West Madan Mustem. Ia kine ki ar kol ka Loomiongkjam la thep da u Khroo Laloo (30′, 46′). Katba iaka kol jong ka West Madan Mustem la thep da u Suni oo Tariang (50′).

Ha kane ka juh ka kyrdan ialehkai ka Pasyih Cultural SC kala pynliem iaka Pammanik SC da 2-1. Iaka kol jong ka Pammanik la thep da u Jamis Talang (8′), katba iaki kol jong ka Pasyih Cultural la thep da u Prechek Bang (47′) bad Seiborlang Dkhar (58′).

Ha ka jingialehkai 2nd Division, ka Giovento Mynsoo kala pynliem iaka Moosalyngkat SC da 1-0 lyngba ka kol ba la thep da u Albert Lyngdoh (55′).