Jop ka Mookynphad, Mookaswan & 6 kol khyrwit Pammanik iaka Iongpiah haka 3rd Division ka WJDSA

Syllad | The Rising MeghalayaApril 7, 2022

Ka Mookynphad Mihmyntdu, Mookaswan Dongwah bad ka Pammanik kila ioh khur jingjop haka jingiakhun Third Division, ka 2nd Adelbert Laloo Memorial Trophy kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Kane kala wan hadien ba ka Mookynphad Mihmyntdu kala pynliem da 5-0 kol iaka Mookaswan Dongnein. Ia kine 5 kol la thep da u Rimiki Phawa (26), Arwanki Rymbai (46, 72), Ribha Phawa (76) bad Ram Biam (79).

Ka Mookaswan Dongwah kala jop da 2-1 kol iaka Catholic Youth Mihmyntdu. Shikol kala mih paw haka dur jong ka own goal kaba la thep da u Heimonmi Phawa (OG) bad shikol la thep da u Rajesh Dkhar (62). Na kaliang ka Catholic Youth Mihmyntdu la thep da u Lukas Ryngkhlem (79).

Ka Pammanik kala jop 6-1 kol iaka Lumpyrdi Iongpiah. U Jamris Talang ula kylla long u namtam ha kane ka jingjop ka Pammanik hadien ba ula ioh ban khyrwit da ka hattrick hadien ba ula ioh ban thep lai kol haka minit kaba 19, 70 bad 80+1. Mar shikol la iarap thap da u Iomi Sajem (36), Benedict Langstang (44) bad Iarmi Paslein (74).

Shikol ban lait brut ka Lumpyrdi Iongpiah la thep da u Kyrtong Najiar (76).