Jop ka Mookyndur Mookyrdup bad ka Lutituber haka Independence Cup ka WJDSA

Syllad | The Rising MeghalayaAugust 2, 2022

Ka Mookyndur, Mookyrdup bad ka Lutituber Ialong kila khur namjop haka lympung ialehkai Under-17 Independence Day Cup kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ka Mookyndur kala pynliem da 3-2 iaka 7 Wasa Utd. Ia kine ki lai kol ka Mookyndur kala ioh thep lyngba u Lewotki Pariat (7) kaba la mih paw haka dur ka own goal, kaba ar la thep da u u Patiently Lakuna (28) bad kaba lai da u Soobiang K Pomtiah (36). Ar kol ka 7 Wasa kala thep lyngba u Kerlangmi (10) bad u Sambha Ryngkhlem (16).

Ha kawei pat ka jingiakhun ka Mookyrdup kala jop 7-0 iaka Catholic Youth Mihmyntdu. Ha kane ka jingiakhun la mih paw kawei ka hattrick kaba la khyrwit da u Kynmole June Kyndait (50, 57, 59), ar kol la thep da u Gentes Tariang (12, 40) bad mar shikol da u August Surong (42) bad Hamsilet Lakuna (46).

Ka Lutituber kala jop da 3-1 kol iaka Mukhla Raij. Na kaliang ka Lutituber ia kine ki lai kol la thep da u Bishar Lhuid (31), Richard Dhar (49) bad Shwaki Dhar (59). Shikol ka Mukhla Raij la thep da u Guidingstar Suna (40).

Lashai ka jingiakhun ka NSA kan iakhun pyrshah iaka Sohmynting, Sabahmuswang pyrshah iaka Dongmihsngi bad ka Royal Pole Mihmyntdu pyrshah iaka Evergreen Mukhla.