Jop ka Mookyndur, Moobakhon bad Thadmusem haka football ka TSA

Syllad | The Rising MeghalayaAugust 24, 2025

Ka Mookyndur kala khur namjop da 2-1 pyrshah iaka Niriang haka jingialehkai Super Division Football kaba pyniaid da ka Thadlaskein Sports Association (TSA) kaba long ha madan Wahiajer Multi Sports Complex haka 23 tarik Nailar.

Baroh lai tylli ki kol kila mih paw haka kylla step. Ka Mookyndur kala tam shakhmat lyngba ka kol kaba la thep da u Monday Nelson Lamare (15, 25). Na kaliang ka Niriang ia kane ka shikol la thep da u Chirup Kharmuti (30).

Shuwa kane ka jingiakhun haka 2nd Division, ka Thadmusem kala pynliem da 2-1 iaka Nongkhroh Sohbar.

Na kaliang ka Thadmusem la thep da u Kermi Dkhar (6), Ebormi Mukhim (47), katba iaka Nongkhroh Sohbar la thep da u Plielad Myrboh (37).

Ka Tyllilang-i Moobakhon kala jop da 6-2 iaka Myntoilang-i Bamkamar. Ia kine ki 6 kol ka Moobakhon la thep da u Dashaniah Rymbai (2, 67), Sambormi Ramut (21), Chibor Rynjah (26), Mewan Myria (63) bad Rikilur Dkhar (70). Ar kol na kaliang ka Myntoilang-i Bamkamar la thep da u Samuel Challam (55) bad Bankerlang Suting (65).

Ka jingialehkai ka ban wan kaban long haka 25 tarik Nailar, haka 2nd Division ka Bamkamar Wah kan iakhun pyrshah iaka Thadmynri haka por 10.00 baje mynstep, ka Hunlang Moobakhon pyrshah iaka Lumkynsaw haka por 12.00 baje mynsngi.

Haka kyrdan Super Division ka Lumphyrnai Sohphoh pyrshah iaka Pohskur Phlongingkhaw haka por 3.00 baje nohphai sngi.