Jop ka Mookaswan Mookymphad bad iakhaid ar tylli ki jingiakhun Third Division ka WJDSA

Syllad | The Rising MeghalayaJuly 4, 2023

Ka West Jaintia District Sports Association (WJDSA) kala sdang biang iaka jingiakhun Third Division-Adelbert Laloo Memorial Trophy hadien bala pynsangeh shipor namar ka lympung ialehkai ki khynnah skul ka Subroto Cup da ka namjop ka Mookaswan bad Mookymphad ha ka jingiakhun kaba long ha madan Kiang Nangbah Stadium haka sngi ba Ar.

Ar tylli ki jingiakhun kila wai da kaba iakhaid kalong hapdeng ka Mupliang pyrshah iaka Umshangiar. Ha kane ka jingiakhun ym don mano mano ioh pynkhih jar.

Kawei pat ka jingiakhun kaba iakhaid ka dei hapdeng ka Saindur Mihmyntdu pyrshah iaka Lumsliar Sliar da 3-3. Ha kane ka jingiakhun ka Saindur kala ioh pynkhih shuwa iaka jar lyngba u Lakhon Phawa tang haka por 5 minit bala iaid ka jingiakjhun. U Lakhon ula thep iaka kol ba ar jong u haka minit kaba 67. Shikol la thep da u Tremi Phawa haka minit kaba 41.

Na kaliang ka Lumsliar Sliar la thep da u Dabid Dkhar ar kol haka minit kaba 55 bad 59 bad shikol na u Elja Ryngkhlem haka minit kaba 8.

Ka Mookaswan Dongwah kala jop 1-0 iaka Tympang. Ia kane ka kol la thep da u Khel Shylla haka minit kaba 19.

Ka Mookymphad Mihmyntdu kala jop da 1-0 iaka Iooksi Youth Welfare. Kane ka shikol kala mih paw haka minit kaba 50 lyngba u Wailad Shylla.