Jop ka Mookaswan Dongnein bad ka Lumchyrmang haka football ka WJDSA

Syllad | The Rising MeghalayaSeptember 7, 2025

Ka Mookaswan Dongnein bad ka Lumchyrmang Mihmyntdu kila khur namjop haka 3rd Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 6 tarik Nailur.

Ka namjop ka Mookaswan Dongnein kala wan hadien ba kala lah ha kaban pynliem da 8-0 iaka Chyrmang Wah

Ia kine ki 8 kol la thep da u Shain Shylla (10’, 20’), Bormi Shylla (18’), Ksaid Shylla (21’), Patrick Ryngkhlem (32’), Raja Shylla (45’), Jarki Dkhar (56’) bad u Pyrkhat Shylla (65’).

Ha kawei ka jingialehkai ka Lumchyrmang Mihmyntdu kala jop da 3-1 iaka Khliehshnong Ialong. Ia kine ki lai kol ka Lumchyrmang la thep da u Lutmon Chyrmang (26’), Sooki Chyrmang (44’) bad Ebok Churmang (52’) katba shikol ka Khliehshnong Ialong la thep da u Iahluti Dhar (69’).