Jop ka Moodymmai iaka Amity, yn iakynduh HUCC haka phainal ka T20 Cricket ka AJCA

Syllad | The Rising MeghalayaMarch 5, 2022

Ka Moodymmai kala jop iaka Amity (L) Nissan Laloo da 5 wicket bad da kane ka namjop ka Moodymmai kan iakhun pyrshah iaka HUCC haka phainal kaban long ha 8 tarik une u bnai.

Haba phai sha ka jingiakhun kaba long ha madan Jrisalein, Chutwakhu haka sngi Saitjain ka Moodymmai kaba la jop iaka toss bad kala ailad iaka Amity ban tied shuwa ha kaba kala lah ban buh iaka thong kaba 147 run naka 20 over bad kala liem 6 wicket.

U Chamitreman Lamare ula kamai 44 run, katba ki nongkawang bol ka Moodymmai kiba kynthup ia u U N Teimiki Passah bad u Bishar Lamare ki la pynhap mar 2 wicket naki 4 over.

Ka Moodymmai haba poi ka pali ban beh iaka thong kala kamai 151 run n aka 14.2 over bad liem 5 wicket. U Bishar Lamare ula kamai 24 run naki 13 bol, katba u S. Pakyntein ula pynhap 4 wicket naki 4 over.

Ïaka nam Man of the Match la ïoh da u Bichar Lamare uba la kamai 24 run bad pynhap 2 wicket.

Hashwa ka jingïakhun ka la don ka jingsngap jar kaba 1 minute kum ka dak ka jingsngew lem ïaka jingkhlad syndet u rangïalehkai ba pawnam ka ri Australia u Shane Warne.