Jop ka Maya SC A, Lurshai Larnai haka football league ka TSA

Syllad | The Rising MeghalayaDecember 17, 2024

Ka Maya SC A, Lurshai Larnai bad Nongkhroh Krem Kum kila khur namjop haka Football League kaba pyniaid da ka Thadlaskein Sports Association (TSA) ha madan Wahiajer Stadium haka 16 tarik Nohprah.

Haba phai sha ka jingialehkai ka Maya SC A kala pynliem da 5-0 iaka Madansynrang SC

Ha kawei pat ka jingialehkai ka Nongkhroh Krem Kum kala jop 1-0 iaka Modop SC, katba ka Lurshai Larnai kala jop da 5-1 iaka Iawpynsin SC.

Haka 18/12/24 ka jingialehkai kan long hapdeng ka Laru FC pyrshah iaka Niriang haka por 10.00 baje mynstep, ka Ryntih Mynsngat pyrshah iaka Madansynrang SC haka por 12.00 baje mynsngi bad ka Nangroi-i FC pyrshah iaka Khliehtyrshi SC haka por 2.00 baje nohphai sngi.