Jop ka Man-i-bha haka Upper Div, ka Amsohtai haka Lower Div ka ASSA

Syllad | The Rising MeghalayaDecember 5, 2024

Ka Man-i-bha SC bad ka Amsohtai SC kala khur jingjop haka Upper Division bad ka Lower Division Football Tournament kaba pyniaid da ka Amlarem Sub Divisional Sports Association (ASSA) ha madan Ladjaplem, Amlarem haka 5 tarik Nohprah .

Haba phai sha ka jingialehkai Upper Division, ka Man-i-bha SC kala khur nam jop da kaba pynliem iaka SS Shongpdeng da 1-0. Ia kane ka shikol la thep da u Marun Mynsong (10).

Haka Lower Division, ka Amsohtai SC kala pynliem da 2-0 iaka Amlanai SC. Ia kine ki ar kol ka Amsohtai la thep da Kevinson Suting (2) bad Barnebes Lamin (49).

Ha kawei pat ka jingialehkai hapdeng ka Mupyut Dongwah pyrshah iaka Mukhim Bro kala kut da kaba iakhaid khlem don mano mano ba ioh pynkhih jar.