Jop ka Maishaphrang Madankynsaw Thadmuthlong haka 3rd Division WJDSA

Syllad | The Rising MeghalayaApril 11, 2022

Ka Maitshaphrang Mootyrshiah, ka Madankynsaw bad ka madan Thadmuthlong ki la bteng ban khur jingjop haka lympung ïalehkai 3rd Division Football Tournament- ka 2nd Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha madan Kiang Nangbah Stadium haka sngi Nyngkong.

Kane kala wan hadien haka Maitshaphrang Mowtyrchiah kala pynliem ïaka Pateinki Sabah da 1-0 kol. Ïa kane ka shikol la thep da u Raymon Sten (73).

Haka jingiakhun kaba ar ka Madankynsaw Mowkyndeng kala jop da 5-2 kol pyrshah iaka Mupliang.

Ha kane ka jingiakhun ka Mupliang kala ioh shuwa ban pynkhih jar tang hapoh 1 minit bala iaid ka jingiakhun. Ia kane ka kol la thep da u Emi Ianga Phawa bad kaba ar ula thep haka minit kaba 76.

Ka Madankynsaw Mowkyndeng wat la kala shah tam da shi kol, hynrei kala ialehkai bha bad kala ioh ban pynphai kylla iaka shikol bad pyntam 3 kol haka kylla step bad shikol kala thep haka kylla miet. U Cornelius Suchiang ula thep ar kol (8, 39), u Dongri Phawa (18, 56) bad u Ferdinand Sayoo (12).

Haka jingiakhun kaba khatduh ka Madan Thadmuthlong ka la pynliem ïaka Tpeppale da 3-0. Ïa ki lai tylli ki kol la thep da u Precious Tang (29, 76) bad u Manhok Suchiang (68).