Jop ka Madankynsaw Mowkyndeng iaka Mukhla Umlangshor, rah syndon Third Div Football ka WJDSA

Syllad | The Rising MeghalayaAugust 29, 2023

Ka Madankynsaw Mowkyndeng kala jop da 3-0 iaka Mukhla Umlangshor haka jingiakhun final Third Division Football Tournament- Ka 3rd Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

U Iomaiki Lamare 47’ & 52’ ula kylla long u namtam hadien ba ula khyrwit ar kol, sa shikol la iarap thep da u Cherishson Tyngkan 80’+3 kaba la biang pura iaka Madankynsaw ban khur iaka namjop bad rah syndon iaka nam lahduh mynta ka kynti.

Ka nam Man of the Match kala leit sha Ioomaiki Lamare, Best Goalkeeper- Wansame Saioo (Madankynsaw), ka khusnam Top Scorer kala leit sha u Precious Tang u nongialehkai ka Madanthad Thadmuthlong (14 goals) bad la Player of the Tournament la ioh khur da u Dangri Phawa ka Madankynsaw Mowkyndeng.

Ia ki khusnam sha ka lahduh bad lahduh ba ar la sam da kiba haiing u (L) Adelbert Laloo kynthup ia u khun u ma EMH Passah, Working president WJDSA haka jingiadonlang ki nongialam bad ki dkhot ka WJDSA.