Jop ka Lymshyrmit bad ka Lama haka football 3rd Division ka EJHDFA

Syllad | The Rising MeghalayaJuly 6, 2025

Ka Lumshyrmit SCSC bad Lama Youth SC kila khur namjop haka jingialehkai football 3rd Division kaba pyniaid da ka East Jaintia Hills District Football Association (EJHDFA) ha madan Artificial Turf Diengshynrum haka 5 tarik Naitung.

Ka jingialehkai hadpeng ka Cham Cham SC pyrshah iaka Nongthymme SC ka jingialehkai kala kut noh da kaba iakhiad khlem don mano mano ba ioh pynkhih jar.

Ka resol na ki ar tylli kiwei pat ki jingialehkai ka long ba ka Lumshyrmit SCSC kala pynliem da 1-0 iaka Pynurkba Christian SC. Ia kane ka kol la thep da u Blining Dkhar (38).

Ha kawei pat ka jingialehkai ka Lama Youth SC kala jop da 1-0 pyrshah iaka Borghat SCSC. U Sowanki Suchen ula thep ia kane ka kol tang haka minit kaba 20 bala iaid ka jingiakhun ba kane ka kol kala neh haduh bala kut ka por iakhun.

Ka jingialehkai haka 7 tarik Naitung kan long hapdeng ka Umlong SCSC pyrshah iaka Wahsarang SC haka por 11.00 baje mynstep, ka Tuber Shohshrieh SSC pyrshah iaka Mookympad SSCC haka por 1.00 baje mynsngi bad ka Evergreen SC Ladwahpung pyrshah iaka Moolang SC haka por 3.00 baje nohphai sngi.