Jop ka Lutituber Ialong 4-0 kol iaka Panaliar haka 18 Above Football Tournament ka WJDSA

Syllad | The Rising MeghalayaNovember 13, 2021

Ka Lutituber Ialong SC kala jop 4-0 kol pyrshah iaka Panaliar SC haka lympung ialehkai Above 18 Football League Knockout Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Haba phai sha ka jingiakhun ka Lutituber Ialong kaba la tam shuwa shakhmat shikol lyngba ka kol kaba thep u Marbhah Dhar (39) bad kane ka kol kala neh haduh ba kut kylla step.

Ka Lutituber kaba la ialehkai bha haka kylla miet kala ioh ban pynban sa 3 kol lyngba ka kol u Medaia Dhar (76), Balajied Dhar (79) bad Francis Pale (87).

Ka Panaliar kala pyrshang har rukom ki jingpyrshang ban ioh thep kol, hynrei kam shym la ioh satia iaki kabu kiba biang naka jingskhem ka kut ialehkai ka Lutituber bad hap ban pdiang iaka namrem kaba bun kol.