Jop ka Lutituber 5-0 iaka Mukhla Umlangshor haka 2nd Div ka WJDSA

Syllad | The Rising MeghalayaSeptember 3, 2025

Ka Lutituber Ialong kala jop da 5-0 iaka Mukhla Umlangshor haka jingialehkai 2nd Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 2 tarik Nailur.

Ia kine ki san kol ka Lutituber Ialong  ka la ioh ban thep lyngba u Kynsai War (46′, 75′), u Medaya Dhar (55′), u Iohbhah War (77′) bad u Wyrchar Dhar (80+1′).

Haba phai sha ka jingialehkai 3rd Division, ka Lumsliarsliar Mupliang kala iakhaid da 1-1 bad ka Lumchyrmang Mihmyntdu. Ka Lumsliarsliar Mupliang kala ioh ban pynkhih shuwa iaka jar lyngba u Powerful Ryngkhlem (25′), katba ka Lumchyrmang kala ioh ka lad ban tan kylla iaka jingiakhun sha kaba iakhaid haka kylla miet lyngba u Wompher Chyrmang (51′).

Shuh shuh haka jingialehkai kaba bud ka Saindur Mihmyntdu kala pynliem da 1-0 kol ïa ka Lion SCSC.Ia kane ka shikol la thep da u Wanlambha Pongrup (33′).

Ha kane ka juh ka kyrdan ialehkai, ka Youth Welfare Iooksi SC kala jop da 2-1 kol ïa ka Tpep-Pale.

Ia kine ki ar kol ka Youth Welfare Iooksi SC la thep la thep da u Sammaia Sumer marwei (6′, 56′), katba na kaliang ka Tpeppale kala ioh ban thep shikol haki minit kiba khatduh lyngba u Nangtei Sumer (70+1′) kaba mih paw haka dur jong ka own goal.