Jop ka Lumshnong, Brishyrnot, iakhaid ka Umkiang bad Chiehruphi haka football ka ENSA

Syllad | The Rising MeghalayaNovember 8, 2021

Ka Lumshnong YWSC, Brishyrnot FC kila khur namjop, katba ka jingiakhun hapdeng ka Umkiang (Wahkoh) pyrshah iaka Chiehruphi SYWSC kala wai da kaba iakhaid haka lympung ialehkai football ka Elaka Narpuh Sports Association (ENSA) kaba long ha maadan ialehkai ka shnong Umkiang haka sngi Nyngkong.

Haba phai sha ka jingiakhun ka Lumshnong YWSC kala jop 2-0 kol pyrshah iaka Tongseng Narpuh. Ia kine ki ar kol la thep mar shikol da u Kynshew Lamare (7), Ri-o Dkhar (53). Iaka shikol ka Tongseng Narpuh da u Meriyo Sutnga (59).

Ka Brichyrnot FC kala jop da 2- 0 kol iaka Umstain FC. Ia kine ki ar kol la thep da u Evening Pohshna (22 & 25) marwei.

Ka jingiakhun hapdeng ka Umkiang (Wahkoh) pyrshah iaka Chiehruphi SYWSC kala wai da kaba iakhaid mar shi kol. Nakaliang ka Umkiang la thep da u Henry Khonglah (2), katba na ka Chiehruphi la thep da u Rishadkmen Rymbai (42).