Jop ka Lumpyrtuh, Phramer, Saindur bad ka Riatsaliya haka Third Div ka WJDSA

Syllad | The Rising MeghalayaAugust 14, 2024

Ka Lumpyrtuh Mihmyntdu, Phramer, Saindur Mihmyntdu bad Riatsaliya Mihmyntdu kila khur jingjop haka lympung ialehkai 3rd Division Football Tournament – 4th Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 13 tarik Nailar.

Ka Lumpyrtuh Mihmyntdu kala pynliem iaka Pateinki Sabah da 1-0. Ia kane ka kol la thep da u Arwan Rymbai (49).

Haka jingialehkai kaba bud ka Phramer kala pynliem iaka Mooknor Nangbah da 1-0. U Riki Suchiang (68) ula thep ia kane ka kol kaba la biang pura iaka Phramer ban khur iaka namjop.

Ha kawei pat ka jingialehkai ka Saindur Mihmyntdu kala jop da 2-1 iaka Nangbah Khloopano.

Ha kane ka jingiakhun ka Nangbah Khloopano kala tam shuwa shakhmat lyngba ka kol kaba la thep da u Star Lamare (37). Haka kylla miet ka Saindur Mihmyntdu kaba la wan na dien kala thep ar kol ban ban lyngba u Kerlang Rymbai (47, 52) kaba labiang pura iaka ban khur iaka namjop.

Ka Riatsaliya Mihmyntdu kala pynliem 2-0 iaka Dongnein Sohmynting. Ia kine ki ar kol la thep da u Ioh i Chyrmang (3) bad u P. Kharsohtun (63).