Jop ka Lumpyngngad haka Super Div, ka Mawlong, Samanong haka Lower Div Football ka ASSA

Syllad | The Rising MeghalayaNovember 23, 2024

Ka Lumpyngngad, Mawlong SC bad SCC Samanong kila khur jingjop haka Super Division bad Lower Division Football Tournament ba la pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 23 tarik Naiwieng.

Ka nam jop ka Lumpyngngad kala wan pyrshah iaka Jarain da 1-0 haka jingialehkai Super Division. Ia kane ka kol la thep da u Da O Syieh haka minit kaba 69 kaba la kylla long syndonka kol jop.

Haka Lower Division, ka jingialehkai kaba nyngkong ka la kut da ka jingiakhaid mar 1-1 hadpeng ka EYC Amjalong pyrshah iaka FYSC Amtapoh. Ka FYSC Amtapoh kala ioh ban pynkhih jar haka minit kaba 2 lyngba u Rijanki Manner, katba EYC Amjalong kala pyniakhaid iaka jingiakhun haka minit 10 lyngba ka kol ba la thep da u Jovian Lynthong.

Haka jingialehkai kaba bud, ka Mawlong SC kala pynliem iaka Syntong Walfare da 2-1. Ka Syntong Walfare kala ioh ban thep kol nyngkong haka minit kaba 3 lyngba Kampher Langshiang katba ka Mawlong SC kala pyntam kylla da ar kol ba la thep da u Synchetmon Lamat haka minit kaba 13 bad Samuel Lamat haka minit 42.

Ha kawei pat ka jingialehkai ka SCC Samanong kala jop iaka Iaikyntiew SC da 3-0. Ia kine ki kol la thep da u Michel Mynsong 6, Pheri Bareh 32 bad Miros Bareh haka minit 57.