Jop ka Lumkhangdong, Da I Hi Mynsngat haka Third Div, sdang noh ka Under-17 ka WJDSA

Syllad | The Rising MeghalayaJuly 19, 2023

Ka Lumkhangdong Kyndongtuber kala jop 5-0 iaka Youth Social Welfare Pynthor bad ka Da I Hi Mynsngat da 2-1 iaka Lumchyrmang Mihmyntdu haka Third Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Ar tylli ki jingiakhun kila kut da kaa iakhaid hapdeng ka Lumpyrtuh Mihmyntdu pyrshah iaka Madanthad Thadmuthlong da 2-2 bad ka Moodop Royal pyrshah iaka Riatsaliya Mihmyntdu khlem don mano mano ba ioh pynkhih jar.

Ki kol na ka Lumpyrtuh la thep da u Heimonmi Dkhar 55′ bad u Monlang Phawa 70’+3 bad na ka Madanthad Thadmuthlong la thep da u Precious Tang 7′, 46′.

Haba phai sha ka namjop ka Lumkhangdong Kyndongtuber ia kine ki san kol la thep da u Risid Dkhar 9′, u Damepaia Shylla 21′, 34′, u Leiyoo Phawa 29′ bad u Phourki Chyrmang 70′

Ka jingiakhun kaba khatduh jong ka sngi kalong ba ka Da I Hi Mynsngat kala ioh pynkhih shuwa iaka jar lyngba Lamjingkyrmem Muksor 14′ bad kol kaba ar la wan na Pynskhem Mukhim 20′. Shikol ka Lumchyrmang Mihmyntdu la thep da u Fredi Chyrmang 33′.

Shuh shuh ka jingiakhun Independence Day Cup Under-17 Football Tournament kan sdang lashai ka sngi Palei da ka jingiakhun hadpeng ka Lumchyrmang Mihmyntdu pyrshah iaka Dongmihsngi. Ka jingiakhun kaba ar hadpeng ka Pynthor Youth Social Welfare pyrshah iaka Mynthong haka por 1:30 Pm bad 3 PM.