Jop ka Little Flower HSS haka Under- 14 & Under-17 Boys ka Subroto Cup u DSO Jowai

Syllad | The Rising MeghalayaJune 11, 2022

Ka Little Flower Higher Secondary School Ummulong kala jop ha baroh ar tylli ki jingiakhun jong ka haka Under-17 Boys’ bad Under-14 Boys’ haka lympung ialehkai football ki khynnah skul, ka Subroto Cup kaba pyniaid da ka ophis u District Sports Officer, West Jaintia Hills District haka sngi Saitjain.

Kane kala wan hadien ba ka Little Flower HSS Ummulong kala jop da 3-0 kol iaka Govt Public School bad haka Under -14 Boys pat kala jop haduh 7 kol pyrshah iaka Lumpyrtuh SS haka jingiakhun kaba long ha Kiang Nangbah Stadium.

Ha kawei pat ka jingiakhun Under-17 Boys’ ka Thangbuli HSS kala jop da ka tie breaker 4-3 iaka Nartiang Presbyterian HSS.

Ka Jaintia SS kala jop da ka tie breaker 6-5 iaka Amwi Jarain SS.