Jop ka Lion 4-0 iaka NSA haka Second Div, ka CSA United haka Invitation Football ka WJDSA

Syllad | The Rising MeghalayaSeptember 8, 2023

Ka Lion SC kala jop da 4-0 iaka NSA haka Second Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

U namtam ha kane ka jingiakhun u dei u Chanmitre Dkhar ha kaba marwei ula khyrwit saw kol haka minit kaba 22′ 25′ 28′ bad 74.

Haba phai sha ka jingialehkai (L) Kesilroy Pala Invitation Footbal Tournament, CSA United kala jop da ka tie breaker da 4-2 iaka Wahiajer. Haka jingialehkai haka por kaba la buh ka jngialehkai kala wai da mar shikol. Ka Wahiajer kala thep lyngba u Augustine Mukhim 54′, katba na ka CSA la thep u Hanson Pdang 58′. Da kane ka namjop ka CSA kala rung noh sha ka quarterfinal.

Haka 8 tarik, ka jingialehkai Second Division kan long hapdeng ka Panaliar pyrshah iaka Sshangpung Khliehmuchut haka por 12 PM. Katba haka Invitation Football Tournament ka Mynsngat kan iakhun pyrshah iaka Mookyndur haka por 2 PM.