Jop ka Lelad, Pala bad ka Daistong haka First Div ka Saipung BSA

Syllad | The Rising MeghalayaSeptember 22, 2023

Ka lympung ialehkai First Division Football Tournament kaba pyniaid da ka Saipung Block Sports Association (SBSA) ka long ba ka Lelad, Pala bad ka Daistong kila khur namjop haka sngi Palei ha madan Lamyrsiang.

Ka Lelad SC ka la pynliem da 2-1 iaka Mokhain SC.

Iaki kol jong ka Lelad SC la thep da u Pynskhem Dhar 31′ bad Me-e Rupon 53′. Katba ka shikol jong ka Mokhain SC ka la wan da ka own goal.

Haka jingiakhun kaba bud, ka Pala SC kala jop da 3-0 iaka Risingstar. Ia kine ki lai kol la thep mar shikol da u Chipson Dkhar 9′, Seven Pakem 18′ bad u Bren Dkhar 42′.

Haka jingiakhun kaba khatduh jong kane ka sngi, ka Daistong SC ka la pynliem da 1-0 Sohiong FC. Ia kane ka kol la thep da u Dame Tariang 60′ bad kala neh haduh bala wai ka jingialehkai.