Jop ka Lamyrsiang bad ka Shnongrim haka Super Division ka Saipung Block SA

Syllad | The Rising MeghalayaNovember 10, 2023

Ka Lamyrsiang SSC bad ka Shnongrim SC ki la khur jingjop haka jingialehkai Super Division Football League ba la pyniaid da ka Saipung Block Sports Association (SBSA) kaba long ha madan Lamyrsiang haka sngi Palei.

Kane ka la wan hadien ba ka Lamyrsiang SSC ka la pynliem iaka Mynthning SC da 3-0, ka Shnongrim SC ka la pynliem iaka Jarain SC da 2-1.

Ia kine ki lai kol ka Lamyrsiang la thep da u Go Goa Hangsing 17′, 47′ bad u Defend Nongtdu 76′ kiba la biang pura iaka ban khur iaka namjop.

Haka jingiakhun ka Shnongrim SC ka la pynliem iaka Jarain SC da 2-1. Ia ki kol jong ka Shnongrim la thep da u Memon Sukhain 5′ bad u Harlin Pyrngad 29′. Ia ka shikol ka Jarain la thep da u Romario Dkhar 12′.

Haka 13 tarik Naiwieng, ka jingiakhun kan long hapdeng ka Lamyrsiang SSC pyrshah iaka Narwan haka por 11.30 baje mynstep, ka Mynthning SC pyrshah iaka Tluh SC haka por 1.30 baje nohphai sngi.