Jop ka Ladthadlaboh haka eliminator Super Div ka WJDSA

Syllad | The Rising MeghalayaDecember 3, 2024

Ka Ladthadlaboh SC kala jop da 2-0 pyrshah iaka Wahiajer haka semifinal ba ar ne eliminator jong ka jingialehkai Super Division Football Tournament kaba pyniaid da ka West Jaintia District Sports Association (WJDSA)) kaba long ha Kiang Nangbah Stadium haka 3 tarik Nohprah.

Ia kine ki ar kol ka Ladthadlaboh kala thep lyngba u Raimiki Challam (34) bad u Samuel Phawa (62).

Da kane ka namjop ka Ladthadlaboh kan mih madan ban aireng pyrshah iaka Nangbah Mulang haka qualifier -2 haka 7 tarik Nohprah. Ka Nangbah Mulang ka dei ka kynhun kaba shah rem haka Demthring haka jingialehkai qualifier-1 kaba lah long haka 2 tarik Nohprah.