Jop ka Ladthadlaboh 5-1 iaka Sailung Ialong, iakhaid ka 7 Wasa bad ka Mukhla Raij haka Super Div ka WJDSA

Syllad | The Rising MeghalayaNovember 8, 2024

Ka Ladthadlaboh kala khur jingjop da 5-1 pyrshah iaka Sailung Ialong, katba ka 7 Wasa bad Mukhla Raij kila iakhaid haka jingialehkai Super Division Football Tournament-Kiang Nangbah Memorial Trophy 2024 ba la pyniaid da ka West Jaintia District Sports Association (WJDSA) kaba long ha madan Kiang Nangbah Stadium, Jowai haka 7 tarik Naiwieng.

Iaki kol jong ka Ladthadlaboh la thep da u Sanki Langstang haka minit kaba 9 & 54, u Dowell John Shylla haka minit kaba 76, Lammida o Dkhar haka minit 87 bad Medonhi Salahe haka minit kaba 90. Katba ka shikol jong ka Sailung Ialong la thep da u Masan War haka minit kaba 12.

Shwa kane, ka jingialehkai hapdeng ka 7 Wasa United bad Mukhla Raij kala kut da kaba iakhaid khlem don mano mano ba ioh pynkhih jar.

Haka 8 tarik Naiwieng ka jingialehkai kan long hapdeng ka Shangpung Lumiawmushai bad Nangbah Mulang haka por 11.00 baje mynstep, ka Demthring bad Wahiajer haka por 2.00 baje nohphai sngi.