Jop ka Ladrymbai Dongwah bad Rymbai Madanpynriang haka 2nd Div Football ka EJHDFA

Syllad | The Rising MeghalayaSeptember 11, 2024

Ka Ladrymbai Dongwah bad Rymbai Madanpynriang kila ioh khur nam jop haka jingialehkai 2nd Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka 11 tarik Nailur.

Katba ka jingialehkai hapdeng ka Kairang SC pyrshah iaka Iapmala kala kut da kaba iakhaid da 1-1.

Haba phai sha ka jingialehkai ka Ladrymbai Dongwah kala pynliem da 3-0 iaka Pamrapaithlu SC. Ia kine ki lai kol jong ka Ladrymbai Dongwah la thep da u Samuel Pala marwei ar kol (51, 72) bad Aerial Najiar (63).

Haka jingiakhun kaba bud ka Rymbai Madanpynriang SC kala jop 2-0 iaka Moosiang Lamare New YWOSC. U Donaldo Dkhar (57) bad Obadaia Bareh (80+2) kila thep mar shikol kaba la biang pura iaka Rymbai Madanpynriang ban khur iaka namjop.

Haba phai sha ka jingialehkai hapdeng ka Kairang bad ka Iapmala kaba la kut da 1-1. Ka Iapmala kala iohshuwa ban pynkhih iaka jar lyngba u Arky Lamo (58), hynrei ka Kairang kala wan nadien ban pynphai kylla shuwa ban kut ka por ban tan iaka jingialehkai sha kaba iakhaid. Ia kane ka kol la thep da u Rimon Nongtdu (80+1).