Jop ka Ladrymbai B iaka Chiehruphi, rah syndon iaka First Division Football Tournament ka EJHDFA

Syllad | The Rising MeghalayaOctober 28, 2023

Ka Ladrymbai B Sc kala pynliem da 1-0 iaka Chiehruphi SYWSC haka final First Division Football Tournament kaba pyniaid da ka East Jaintia Hills District Football Association (EJHDFA) kaba long ha artificial turf Diengshynrum, Khliehriat kaba long haka sngi Saitjain.

Ia kane ka shikol ka Ladrymbai kala thep tang hadien saw minit bala iaid ka jingiakhun haka kylla step. Kane ka kol kala wan lyngba u Dasukwame Dkhar 4′ bad kala neh haduh bala wai ka por ialehkai.

U kongsan ba wan ban sakhi bad pynhap pyrda ia kane ka lympung u dei u Deputy Commissioner, East Jaintia Hills District u Abhilash Baranwal ryngkat ka jingiadonlang ki dkhot bad nongkitkam ka EJHDFA bad ki riew rangbah ka thain.

Ka khusnam emerging player la ioh rah da u Suting Syrti naka Chiehruphi bad ka Best Team da ka Rymbai Synrang Shahkhain SC.