Jop ka Kynjai Para I rah syndon iaka Tiger Five ka Chilliangraij

Syllad | The Rising MeghalayaJuly 2, 2023

Ka Kynjai Para I kala rah iaka nam lahduh hadien ba kala jop da 3-2 iaka Rishot FC haka jingiakhun Tiger Five Football Tournament kaba pyniaid da ka Chilliangraij Sports & Youth Affairs Committee kaba long ha madan shnong ka Chilliangraij haka sngi Saitjain.

Ia kine ki lai kol ka Kynjai Para I kala ioh thep lyngba Deibor (29), u Premrose (39) bad u Kynsai (59). Nakaliang ka Rishot la thep da u Kevin (40) bad u Tremiki (42).

Da kane ka namjop ka Kynjai Para-I FC kala ioh rah iaka song pisa T.50 hajar bad ka trophy, ka Rishot ka lahduh ba ar kala T.30 hajar bad ka trophy.

U Oliver Pale ula ioh khur iaka khusnam top scorer na ka Oxford FC, Best Goal Keeper u Forlic Dkhar na ka Kynjai Para-I FC bad ka khusnam Best Player da u Premrose na ka Kynjai Para-I FC.

U kongsan u dei u Brightstar Chyrmang, MDC-JHADC haka jingiadonlang u Treiborlang R Suchen, General Secretary JSU Central Body, ki riew rang bah ka shnong bad ki dkhot bad nongkitkam ka sports committee ka Chilliangraij Sports and Youth Affairs Committee.