Jop ka Ksehsylle Lumchyrmang Mihmyntdu haka Third Div. haka WJDSA

Syllad | The Rising MeghalayaApril 14, 2022

Ka Ksehsylle Ialong bad ka Lumchyrmang Mihmyntdu kila khur jingjop, katba ka Mulang Ialong pyrshah iaka Lumpyrdi Iongpiah kila iakhaid haka lympung ialehkai Third Division- 2nd Adlebert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Haka jingkhun ka Mulang Ialong pyrshah iaka Lumpyrdi Iongpiah ka jingiakhun kala wai khlem don mano mano ba ioh pynkhih jar.

Ka Ksehsylle Ialong ka la pynliem ïaka Samaro da 2-0 kol. Ïa kine ki kol jong ka Ksehsylle Ialong la thep da u Deibor Bareh ula thep bakla (own goal) haka minit kaba 33 bad u Sunidonhi Rymbai haka minit kaba 63.

Haka jingïakhun kaba khatduh ka Lumchyrmang Mihmyntdu kala pynliem ïaka Riatsaliya Mihmyntdu da 3-0 kol.

Ia kine ki lai tylli ki kol ka Lumchyrmang Mihmyntdu la thep da u Freddy Chyrmang tang hapoh 1 minit bala iaid ka jingiakhun, kaba kol ba ar la thep da u Shngain Phawa (62) bad u Kerlang Kyndait (80+2).