Jop ka Khliehtyrshi da 4 wicket iaka West Jaintia Police haka District Cricket League ka WJHDCA

Syllad | The Rising MeghalayaApril 13, 2024

Ka Khliehtyrshi Cricket Club kala jop da 4 wicket iaka West Jaintia Police haka jingialehkai ‘District Cricket League 2024’ kaba pyniaid da ka West Jaintia Hills District Cricket Association (WJHDCA) kaba long ha madan ka shnong Khliehtyrshi haka 12 tarik Iaiong.

Ka West Jaintia Police Cricket Club kaba la jop iaka toss kala kam trai ban tied nyngkong bad kala buh iaka thong kaba 157 run bad liem baroh 10 wicket. Ha kane ka jingialehkai u Banshngain Rynthathiang ula synniang sha u sup u thiar kamai run ka West Jaintia Hill Police 35 run na ka 33 bol.

Katba ki nongkawang bol ka Khliehtyrshi, u Timi H Ryngkhlem bad u HD kila khur mar 3 wicket.

Haba beh iaka thong ka Khliehtyrshi CC kala lah ban kamai 157 run naki 23.4 over bad liem 6 wicket. U K Dhar ula synniang 38 run naki 40 bol bad u Mewada Shylla ula tied 30 run naki 22 bol.

Na ki nongkawang bol ka West Jaintia Police, u Monwanmi Dkhar ula ioh khur 3 wicket naki 2.4 over.

Iaka nam ‘Player of the Match’ la ioh da u HD rangialehkai jong ka Khliehtyrshi CC.