Jop ka Khliehriat East, Lummyrli bad ka Moonongtdu haka 3rd Div ka EJHDFA

Syllad | The Rising MeghalayaSeptember 30, 2024

Ka Khliehriat East YWSC, Teilang SSC Lummyrli bad ka Moonongtdu kila khur jingjop haka jingialehkai football 3rd Division Football kaba pyniaid da ka East Jaintia Hills District Football Association (EJHDFA) kaba long ha madan Diengshynrum haka 30 tarik Nailur 2024.

Ka namjop ka Khliehriat East YWSC kala wan pyrshah iaka Umlawang SSC da 5-0. Ha lyndet kane ka namjop ka dei lyngba ka jingioh thep kol u Silvester Shylla (11, 17) bad u Dilung Swer (57, 64) kiba la ioh thep mar ar kol bad shikol na u Ijuhpaia Sympli (56).

Haka jingialehkai kaba buh ka Teilang SSC Lummyrli kala pynliem da 1-0 iaka Umrasong SCC. Ia kane ka shikol la thep da u Markus Syngkor (56).

Ha ka jingialehkai kaba khatduh, ka Moonongtdu kala jop da 3-1 iaka Seng Khynroo SSC Umsatai.

Ha kane ka jingialehkai ka Umsatai kala ioh pynkhih shuwa iaka jar lyngba u Sakhiat Bareh (5). Tang hadien 2 minit ka Moonongtdu kala pynphai bad pyntam kylla lyngba u Mephaski Lamurong (7) bad u Lamphrang Rasmut (20).

U Mephaski (61) ula thep biang iaka kol kaba ar jong u haka kylla miet kaba la biang pura iaka Moonongtdu ban khur iaka namjop.