Jop ka Khliehmyntriang iakhaid ka Ratacherra bad ka Umrasiang haka Third Div ka EJHDFA

Syllad | The Rising MeghalayaAugust 18, 2023

Ka Khliehmyntriang SC ka la rung sha ka wat kaba ar jong ka lympung ïalehkai Third Division Football Tournament kaba pynïaid da ka East Jaintia Hills District Football Association (EJHDFA).

Kane ka la wan hadien ba ka Khliehmyntriang kala jop da 5-1 iaka Moopynien SWO haka jingialehkai kaba long ha madan phlang plastik ha Diengshynrum, East Jaintia Hills District haka sngi Palei.

Ki nongthep kol jong ka Khliehmyntriang ki long u Deposit Dkhar uba la thep haka minit kaba 23′, u Arun Dkhar 26′, u Juk Dkhar 41′, u Raplangki Lyngdoh 64′ & 76′.

Shikol ka Moopyniein SWO la thep da u Bamon Myrchiang haka minit kaba 48′.

Ka Bataw FC kala jop da ka walkover hadien ba ka Umstain SC ka khlem lah ban wan ialehkai.

Ka jingiakhun Ratacherra SC pyrshah iaka Umrasiang Utd ka jingialehkai kala kut da kaba iakhaid mar 1-1. U Heibormi Pohshna 36′ ula thep iaka kol ka Ratacherra, ka Umrasiang Utd kala pynphai kylla lyngba u Ten Muksor 53′ ban tan iaka jingiakhun sha kaba iakhaid.