Jop ka Khimusniang haka T20 Cricket Tournament AJCA

Syllad | The Rising MeghalayaMarch 29, 2021

Ka Khimusniang ka la khur iaka  nam jop ha ka lympung ialehkai Open to all T20 Cricket Tournament 2021 jong ka  All Jaintia Cricket Association ha Jrisalein Playground mynta  ka sngi.

Ha kane ka jingïakhun ka Moodymmai kala jop iaka toss bad kala kam trai shuwa ban tied. Ka  Moodymmai buh iaka thong 129 ron na ki 20 overs bad ka la duh noh 9 wickets. U Levestar Phawa u la kamai  40 ron (3×4 bad 4×6), u Nehlang Pariat bad u Richel Passah pat ki la kamai 21 marwei, U Pynilynti Bareh jong ka Khimusniang u la ioh khur 4 wickets na ki 4 Overs, u Tremiki Dkhar pat u la ioh khur 3 wicket na ki 4 overs.

Ka Khimusniang haba beh ïaka thong kala kamai 132 ron na ki 17 overs bad ka la duh noh 4 wickets. U  Jeffrey Liting u la kamai 59  ron (10×4 bab 1×6), u Nibiangmon Sutnga pat u la kamai 25 ron (4×4 bad 1×6), U Daoo Passah jong ka Moodymmai u la ioh khur 2 wickets na ki 3 Overs, u Nehlang Pariat pat u la khur 2 wicket na ki 4 overs.

Ka jingïakhun ba khatduh kalong ka khimusniang kalong haka 31-03-2021  pyrshah iaka Hills United Cricket Club ha ka por 9 baje mynstep.