Jop ka Khimusniang, 7 Wasa haka ID Cup, ka Pynthorlangtein bad ka Lutituber haka Third Div ka WJDSA

Syllad | The Rising MeghalayaAugust 9, 2024

Ki khynnah ialehkai ka 7 Wasa bad ka Khimusniang kila jop haka Independence Day Cup Under-17 Football Tournament bad ka Pynthorlangtein bad ka Lutituber kila jop haka Third Division Football Tournament kaba long ha Kiang Nangbah Stadium haka 9 tarik Nailar.

Baroh ar tylli kine ki tournament la pyniaid da ka West Jaintia District Sports Association (WJDSA). Ka Independence Day kala jam artad sha ka kyrdan quarterfinal ka ban sdang naduh ka 10 tarik Nailar.

Haba phai sha ka jingialehkai, ka Pynthorlangtein kala jop suk iaka FAM da ka walkover.

Ka Lutituber Ialong kala jop da 2-0 iaka Mookynphad Mihmyntdu. Ia kine ki ar kol la thep da u Chalinstar Lyngdoh (29) bad u Damon Pale (59).

Haba phai pat sha ka jingialehkai Independence Day Cup, ka 7 Wasa kala pynliem da 3-0 iaka Caroline Colony. U Riphi o Shylla marwei ula thep ar kol (16, 38) bad u Samuel Sumer (30’+1).

Ka Khimusning jop da 1-0 Khliehmyntang Ialong 1-0 lyngba ka kol kaba la thep da u Daekyrpangmitre Pyrngap (51).