Jop ka jingkiar paidbah ha Jowai

Syllad | The Rising MeghalayaApril 1, 2020

Ka jingpyrshang ka bor District West Jaiñtia Hills District ban iatreilang bad ki shnong kala long kaba jop ha Jowai ha kaba kila lah ban pyntreikam ïaka jingbthah jong ka sorkar Jylla bad ka tnad ka koit ka khiah ban bud iaka Social Distancing ne ban kiar haka jingiakhleh haki jaka bun briew.

Naduh hynnin ka sngi kane ka jingpyrshang kala jop hadien ba ka Dorbar Shong Iawmusiang Tympang kala pyrshang ha Iawmusiang ha kaba la ruid dak ban ieng ki briew ha shuwa ban thied iaki mar ki mata ha ki dukan.

Mynta ka sngi ruh ka Shnong Caroline kala pyrshang ban pyntreikam iaka Social Distancing bad kane kala jop ha katei shnong.

Kumban shu pynkynmaw ba u Deputy Commissioner, West Jaiñtia Hills District Ma Garod LSN Dykes ula pynbna ba ki Fair Price Shops ne ki dukan dei mar rashon kiba hap haka NFSA and NON-NFSA,  kin plie manla ka sngi naduh ka 31 tarik Lber 2020 naduh ka por 9 baje mynstep haduh 12 baje mynsngi.

Ula pynbna ruh bad kiwei ki dukan kiba la jied ban die marbam  kiba kynthup dukan Groceries, Soh, Jhur, doh, ki dukan die bam dihsha kin plie hala ki jong ki dukan  hala ki dong dong ne ki kyntoi haka sngi Nyngkong, Sngi Balang, bad ka Sngi Saitjaiñ naduh ka por 9.00 A.M. haduh 12.00 PM. U Deputy Commissioner ula pynbna ruh ba kiwei ki dukan ha baroh ki iew kin hap ban khang khyrdep.

Ki dukan kiba la tip kum ki Distributors, Wholesalers kiba la shah ban ai mar sha ki dukan groceries bad kiwei ki dukan ban ïatreilang bad ki dukan retailers ban ai mar sha ki dukan die mar bam bad ki retailer naduh ka sngi Ba Ar, Ba Saw, bad ka Thohdieng West Jaintia Hills District.

Kane ka jingpyntreikam ïa kane ka buit thymmai ban khanglad ïaka jinglum paidbah, ki Shnong bapher bapher kila ai ka jingïatreilang ba pura bad ka bor district bad bud iaka jingbthah ban kiarna ki jaka paidbah bad ban don ka jingjngai uwei hapdeng u wei haduh 1 meter ban ïakhun pyrshah ïa khniang COVID-19.