Jop ka Jarain haka Super League, ka Padu bad Lumpyngngad haka Lower Div ka ASSA

Syllad | The Rising MeghalayaNovember 14, 2024

Ka Jarain CSC kala jop da 1-0 Pamtbuh SC haa Super League Football Tournament, katba ka ACP Padu bad Lumpyngngad SC kila khur jingjop kyrdan Lower Division Football Tournament kaba pyniaid da ka Amlarem Sub-divisional Sports Association (ASSA) kaba long ha madan mini stadium Ladjaplem, Amlarem.

Haba phai sha ka Super League, iaka shikol ka Jarain CSC la thep da u Kamjoh Shadap (70) kaba long syndon ka kol jop.

Haka jingialehkai jong ka kyrdan Lower Division, ka ACP Padu kala pynliem iaka Amsarim SC da 2-1. Iaki kol jong ka ACP Padu la thep da u Banker Tariang (13) bad Stevenson Sumer (42), katba iaka kol jong ka Amsarim la thep da u Kynjai Pohtam (20).

Ka jingialehkai kaba bud, ka Lumpyngngad SC kala pynliem iaka Darrang SC da 2-1. Iaki kol jong ka Lumpynngad SC la thep da u Journey Rymbai (36,42), katba iaka kol jong ka Darrang SC la thep da u Mario Rymbai.

Ha kawei pat ka jingialehkai ka Nongshiliang kala iakhaid da mar 1-1 pyrshah iaka Amjajer Rako. Iaka kol jong ka Nongshiliang la thep da u Abinash Khaii (11), katba na ka Amjajer Rako la thep da u Syrpai Nongrum (15).