Jop ka Jarain haka Super Div, ka Amkoi, Sohlawiat haka Upper Div ka ASSA

Syllad | The Rising MeghalayaDecember 14, 2024

Ka Jarain SCC kala khur nam jop haka Super Division, katba ka Amkoi SC bad Sohlawiat SCC kila khur jingjop haka Upper Division Football Tournament ba la pyniaid da ka Amlarem Sub Divisional Sports Association (ASSA) kaba long ha madan Mini Stadium Ladjaplem haka 14 tarik Nohprah.

Haba phai sha ka jingialehkai Super Division ka Jarain SCC kala pynliem da 1-0 iaka Seinbhalang Shkentalang. U Ridiyam Pohleng (47) ula thep ia kane ka shikol kaba la biang pura ban khur nam jop ka Jarain.

Haka jingialehkai Upper Division, ka Amkoi SC kala jop da 1-0 iaka Man ibha. Iaka ka shikol ka Amkoi SC la thep da u Luckynine Pohlong (15).

Haka jingialehkai kaba bud, ka Sohlawiat SCC la jop da 2-1 pyrshah iaka Psadwar SC. Na kaliang ka Sohlawiat SC la thep da u Fullme Khongiong (45 & 50) katba na ka bynta ka Psadwar la thep da u Meker O Buam (10 Own Goal).

Ha phai sha ka jingkamai point katkum ka miej iakhein poin wat ka Shkentalang kala liem, hynrei ka dang bat iaka kyrdan kaba nyngkong 10 poin na ki san sien iakhun, bud ka Jarain 8 poin, ka Lumpyngngad bad ka Amlarem mar 7 poin bad ka Umladkhar 6 poin.