Jop ka Jalaphet Bri Sumer bad ka Mulait Utd haka Super Div ka SBSA

Syllad | The Rising MeghalayaNovember 10, 2023

Ka Jalaphet Bri Sumer SC bad ka Mulait United FC kila khur namjop haka Super Division Football League kaba pyniaid da ka Saipung Block Sports Association (SBSA) ha madan Lamyrsiang haka sngi Thohdieng.

Haba phai sha ka jingialehkai ka Jalaphet Bri Sumer SC ka la pynliem da 1-0 iaka Lakasein SC da 1-0. Ia kane ka kol la thep da u Bingo Chyrmang 67′.

Ka Mulait United FC kala jop da 2-0 iaka Latyrke SC. Ia kine ki ar kol la thep da u Jeffree Surong 55′ bad Soni Phawa 77′.

Haka 13 tarik Naiwieng, ka jingiakhun kan long hapdeng ka Lamyrsiang SCC bad ka Narwan SC haka por 11.30 baje mynstep, ka Mynthning SC bad ka Tluh SC haka por 1.30 baje nohphai sngi.