Jop ka Iong I Dahi Samaro bad Riatsaliya haka 3rd Div ka WJDSA

Syllad | The Rising MeghalayaApril 8, 2022

Ka kynhun jong ka Iong I Dahi, Samaro bad ka Riatsaliya Mihmyntdu kila khur jingjop haka jingiakhun Third Division Football- ka 2nd Adelbert Laloo Memorial Trophy kaba pyniaid ka West Jaintia District Sports Association (WJDSA) ha Kiang Nangbah Stadium haka sngi Thohdieng.

Haba phai sha ki jingiakhun ka Iong I Dahi kala pynliem da 4-1 kol iaka Nangbah Khloopano. U Kerot Phawa ula thep ar kol (38, 66) bad mar shikol na u Atal Shylla (32) bad Denies Lyngdoh (80+1).

Shik ka Nangbah Khloopano kala thep lyngba Teibor Lamare (47).

Haka jingiakhun kaba ar ka Samaro kala jop 3-0 kol iaka Khliehmyntdu Neinchnong. U Forward Pdang ula thep ar kol marwei (32, 63) bad shikol na u Reformer Bareh (61).

Haka jingiakhun kaba khatduh mynta ka sngi ka Riatsaliya Mihmyntdu kala jop 3-2 kol iaka Saindur Mihmyntdu.

Ka Saindur Mihmyntdu kala ioh thep shuwa tang hapoh 10 minit bala iaid ka jingiakhun lyngba Haowanki Lamin bad sa shikol la pynban biang tang hapoh 2 minit bala iaid ka jingiakhuh lyngba u Lamjingshai Thawmuid (12).

Pynban wat la shah tam da 2 kol, ka Riatsaliya kam shym la duh lyer bad kala ioh ban pynphai shuwa shi kol lyngba u Soki Dkhar (20). Ka kol kaba ar bad ba lai la thep da u Marlang Chyrmang (45) bad U Nehlang Dkhar (79) kaba la biang pura iaka Riatsaliya ban khur iaka namjop.