Jop ka Iatyllilang Hingaria bad ka Kairang haka Second Div ka EJHDFA

Syllad | The Rising MeghalayaAugust 20, 2023

Ka Iatyllilang Hingaria bad ka Kairang SC kila jop haka jingiakhun second division football ka East Jaintia Hills District Football Assocaition (EJHDFA) kaba pynlong ha madan Diengshynrum haka sngi Saitjain.

Ka Iatylli Hingaria kala pynliem da 1-0 iaka Dkhiah West. Ia kane ka kol la thep da u Zidane Lamin.

Katba ka Kairang SC kala jop da 2-1 iaka Tongseng Youth SCC. U Sngewlang Rymbai 40’+2 bad u Rimon Nongtdu 72′ kila thep ia kine ki ar kol ka Kairang. Shikol ka Tongseng la thep da u Daoshwa Amse 78′

Shuwa kine ki jingialehkai, ka jingiakhun hadpeng ka Jalyiah United bad ka Tuberkmaishnong kala kut da kaba iakhaid mar 1-1. Na kaliang ka Tuberkmaishnong la thep da u Tony AR Phawa 9′, katba na ka Jalyiah la thep da u Tanlang Dkhar 34′.

Ka Iatyllilang Hingaria da ka namjop jong ha ha kane ka jingiakhun kaba khatduh kala buh jaka ialade haka quarterfinal na ka Pool A. Ka Diengshynrum bad ka Ladrymbai Dongwah na ka Pool B.