Jop ka Evergreen SC haka football ka Wahiajer SC

Syllad | The Rising MeghalayaSeptember 7, 2024

Ka Evergreen SC kala khur jingjop hadien ba kala lah ban pynliem iaka Brother United da ka tie breaker da 3-2 haka jingialehkai 8th Invitation Knock Out Football Tournament ba la pyniaid da ka Wahiajer Sports Club ha madan Wahiajer Sports Complex.

Haka jingialehkai haka 7 tarik Nailur ka Evergreen SC kala jop iaka Brother United da ka jingiashut Tie-Breaker hadien ka jingiakhun katkum ka por ba la buh ban pyndep kala kut da ka jingiakhaid mar 2-2.

Na ka bynta ka Evergreen SC la thep da u Wompher Phawa (13, 38), katba iaki kol jong ka Brother United la thep da u Wanbha War (4) bad Pynkhlian Nongrum (58).

U nam tam jong kane ka sngi u dei u rangialehkai ka Evergreen SC u Wompher Phawa.

Ka jingiakhun kaba bud kan long haka 12 tarik Nailur hapdeng ka Ummulong SC pyrshah iaka Mission SC Mawryngkneng haka por 2.00 baje nohphai sngi.