Jop ka Dongmihsngi, Nonglatem bad Mookaswan haka football ka WJDSA

Syllad | The Rising MeghalayaSeptember 5, 2025

Ka Mookaswan Dongwah SC, SCSC Nonglatem bad ka Dongmihsngi kila khur jingjop haka jingialehkai football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 4 tarik Nailur.

Ka namjop ka Dongmihsngi kala wan haka kyrdan 2nd Division hadien ba kala pynliem da 2-0 iaka Mupliang. Baroh ar tylli kine ki kol ka Dongmihsngi kala ioh ban thep haka kylla mier lyngba u Lal rin kima Nangpui (61′) bad Agust Surong (80+2′).

Shuwa kane haka jingialehkai haka kyrdan 3rd Division, ka Mookaswan Dongwah SC kala jop da 1-0 iaka Mooknor Nangbah SC. Ia kane ka shikol la thep da u Teimi o Ryngkhlem (68′).

Ka jingialehkai kaba bud, ka la kut da kaba iakhaid mar 1-1 hapdeng ka Da-i hi Mynsngat pyrshah iaka Lumpariat. Naka bynta ka Da i hi Mynsngat la thep da u Banker Muksor (34′), katba iaka Lumpariat la thep da u Hababiang Syngkon (55′).

Ha kane ka juh ka kyrdan ialehkai, ka SCSC Nonglatem kala pynliem da 2-1 iaka Sohmynting Dongnein. Nakaliang ka SCSC Nonglatem la thep da u Budlang Mukhim (26′) bad Kynsai Bhoi (55′), katba iaka shikol jong ka Sohmynting Dongnein la thep da u Chemi Lyngdoh (31′).