Jop ka Dongmihsngi haka 2nd Div, ka Lumchyrmang, Tpeppale haka 3rd Div footballa WJDSA
Ka Dongmihsngi, Lumchyrmang Mihmyntdu bad ka Tpeppale kila khur jingjop haka jingialehkai football haka kyrdan 2nd bad 3rd Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah haka 26 tarik Nailar.
Haba phai sha ka jingialehkai 2nd Division, ka nam jop ka Dongmihsngi kala wan pyrshah iaka Shangpung Khliehmuchut da 2-1. Ha kane ka jingialeh ka Shangpung kala tam shuwa sha khmat, hynrei ka Dongmihsngi kala lah ban pyntam kylla bad khur iaka jingjop lyngba ki kol bala thep da u Daioshwa Siangshai (25) bad Benison Suchiang (69). Shikol ka Shangpung Khliehmuchut la thep da u Bantei Langstang (10).
Shuwa kane haka 3rd Division, ka Lumchyrmang Mihmyntdu kala pynliem da 2-0 iaka YS Welfare Pynthorlangtein. Ia kine ki ar kol lathep da u Pynshai Biam (36) bad Fredy Chyrmang (57).
Ka Tpep-Pale kala khyrwit da 6-0 iaka Lion Socio & Cultural. Ia kine ki 6 kol la thep da u Reynar Mujat (33, 45), Wansa oo Biam (38, 41), Ebormi Bareh (49) bad Kenny Rymbai (56).
Haka jingialehkai kaba khatduh ka Youth Welfare Iooksi bad Saindur Mihmyntdu kila iakhaid da 1-1 . Na kaliang ka Saindur Mihmyntdu la thep da u Fastermi Phawa (41), katba na kaliang ka Youth Welfare Iooksi la thep da u Lasterwell Suchiang (67).
Facebook
Instagram
Youtube
Twitter
Leave a Reply