Jop ka Dongmihsngi bun kol iaka West Madan Mustem haka Second Division ka WJDSA

Syllad | The Rising MeghalayaSeptember 5, 2023

Ka kynhun ialehkai jong ka Dongmihsngi kala jop bun kol da 5-1 pyrshah iaka West Madan Mustem haka jingialehkai Second Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ki nongthep kol ka Dongmihsngi kynthup ia u Betterly Sariang 2’ & 34’, u Longshisha Syrpuh 42’, u Ewanmida o Langstang 73’ bad u Vishal Shadong 74’. Shikol ka West Madan Mustem la thep hi da u player ka Dongmihsngi u Longshisha Syrpuh 6’.

Shuwa kane, ka jingialehkai hadpeng ka Lumpariat kala iakhaid mar 1-1 bad ka Chutwakhu. Ka Lumpariat kala tam shakhmat lyngba ka kol ba la thep Desiderions Pyrtuh 25’ bad dei haka kylla miet ka Chutwakhu kala tan kylla iaka jingialehkai sha kaba iakhaid lyngba ka kol u Babiang Khyriem 57’.

Haka 6 tarik ka jingiakhun 2nd Division kan long hapdeng ka Mooknor Thadmuthlong pyrshah iaka Chilliangraij haka por 12.00 baje nohphai sngi.

Katba haka lympung ialehkai (L) Kesilroy Pala Invitation Football Knockout Tournament, ka Ladthadlaboh pyrshah iaka Mukhla FC haka por 2.00 baje nohphai sngi.