Jop ka Diengshynrum SC bad ka Shilliang Umshong SC, jam sha ka final 1st Division ka EJHDFA

Syllad | The Rising MeghalayaNovember 16, 2024

Ka Diengshynrum SC kala jop da ka penalty pyrshah iaka Wahiajer Narpuh YSSC, katba ka Shilliang Umshong kala pynliem da 6-1 iaka Iatyllilang Hingaria haka semifinal jong ka 1^st Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ka EJDSA haka 16 tarik Naiwieng.

Haba phai sha ka jingialehkai, ka jingialehkai haka por kaba buh hapdeng ka Diengshynrum pyrshah iaka Wahiajer Narpuh kala kut da mar 1-1. Ka Diengshynrum kala ioh ban tam shakhmat haka kylla miet lyngba ka kol u Fadical Pohshna (60), hynrei tang hadien 9 minit balai aid ka jingiakhun u Denzil Mukhim (69) ula ioh ka lad ban pyniakhaid.

Haka jingiashut tiebreaker, ka Diengshynrum kala jop da 3-1.

Haka semifinal kaba ar ka Shilliang Umshnong kala tam shakhmat naduh ba sdang ka jingialehkai bad kala mih paw ruh kawei ka hattrick lyngba Henjoymang Khongsai (38, 53, 64), Lhunminthang Thauthang (43, 70) bad Besterly Ksih (58). Shikol ka Iatyllilang Hingaria la thep da u Western Pohshna (56).

Da kane ka namjop ka Diengshynrum SC bad ka Shilliang Umshong SC kin iaknieh iaka nam lahduh haka ka 1st Division EJHDFA kumjuh ruh ha ka aiom ialehkai ban wan kin ialehkai haka kyrdan Super Division.