Jop ka Dhana bad ka Thangskai Tiger haka Super Div ka EJHDFA

Syllad | The Rising MeghalayaNovember 22, 2024

Ka Dhana CSC bad Thangskai Tiger SC kila khur jingjop haka Super Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Deinshynrum haka 22 tarik Naiwieng.

Haka jingialehkai kaba nyngkong ka Dhana SC kala jop da 2-0 iaka Khliehriat West. Ia kine ki ar kol ka Dhana la thep da u Phon Khaii (13) bad Marki Swer (26).

Ka Thangskai Tiger SC kala pynliem da 3-2 iaka Chiehruphi SYWSC. Ka Chiehruphi ioh shuwa shikol lyngba ka own goal kaba la thep da u Mankhih Rymbai (18), kaba ar lyngba ka penalty kaba la thep da u Sandi Kasar (29).

Katba ka Thangskai wat hadien ba kala shah tam hynrei tang kyndiat minit bala iaid ka jingiakhun kala ioh thep iaka kol bad pyntam kylla lyngba u Pynthymme Rymbai (22, 25) bad iaka kol kaba lai la thep da u Verdy Nongtdu (90+1) kaba long syndon ka kol jop.

Haka 25 tarik Naiwieng ka jingialehkai kan long hadpeng ka Sutnga SSCC bad Khliehriat West YWSC haka por 11.45 baje mynstep, ka Rymbai Iawpynsing bad Dhana SC haka por 2.15 baje nohphai sngi.